Wave money ငွေလဲ ၁၀ ရာခိုင်နှုန်းအထိ ယူတဲ့ဆိုင်ကို PDF သတိပေး

Wave money ငွေလဲ ၁၀ ရာခိုင်နှုန်းအထိ ယူတဲ့ဆိုင်ကို PDF သတိပေး

Wave money ကနေ ငွေသားလဲလှယ်တာကို ၁၀ ရာခိုင်နှုန်းအထိ ယူတဲ့ဆိုင်ကို သထုံ PDF သတိပေး

သထုံ၊ စက်တင်ဘာ ၈

သထုံမြို့၊ ရွှေစာရံဘုရားလမ်းမှာ ဖွင့်လှစ်ထားတဲ့ Soe Moe Mobile ဆိုင်ကို စက်တင်ဘာလ ၈ ရက်နေ့မှာ သထုံမြို့ပြ အထူးစစ်ဆင်ရေးတပ်ဖွဲ့မှ သတိပေးစာ ထုတ်ပြန်လိုက်ပါတယ်။

Soe Moe Mobile ဆိုင်က wave money ငွေထုတ်ပေးရာမှာ ၁၀ ရာခိုင်နှုန်းထိ ကောက်ခံနေပြီး အရောင်းဝန်ထမ်းတွေရဲ့ ဝယ်ယူသူများအပေါ် ဆက်ဆံရေး အဆင်မပြေမှုကို သတိပေးလိုက်တာ ဖြစ်ပါတယ်။

” မတရားခေတ်ပျက်ချိန်မှာ သူဌေးဖြစ်ပါစေလို့ ဆုတောင်းပေးပါတယ်။ အဆင်ပြေချမ်းသာပါစေ။ လူသတ်နှ သွေးကြွေးမဟုတ်ဘူး။ အဆင်မပြေတာကို လူလူချင်း လူပါးဝတာလဲ သွေးကြွေးမို့ မင်းတိုနဲ့ ဆွေးနွေးရမှာက အသက်ခန္ဓာပဲလို့” သတိပေးစာမှာ ရေးသားထားပါတယ်။

စစ်ကောင်စီအာဏာသိမ်းပြီးနောက်မှာ ဘဏ်မှ ငွေထုတ်ယူမှုများကို ကန့်သတ်ခံရတာကြောင့် မှောင်ခိုငွေကြေးစျေးကွက်ပေါ်ထွန်းခဲ့ပြီး wave money၊ K pay တို့မှ ငွေထုတ်ယူရာမှာ ငွေထုတ်ယူသူတွေက ရာခိုင်နှုန်းများစွာပေးပြီး ငွေသားရဖို့ လုပ်ဆောင်နေရတာဖြစ်ပါတယ်။

သထုံမြို့နယ်အတွင်းမှာ wave money၊ K pay တို့မှ ငွေထုတ်ယူရာမှာ အချို့သောဆိုင်များက ရာခိုင်နှုန်းမယူဘဲ ပုံမှန်အတိုင်း ဆောင်ရွက်ပေးနေတာမျိုးရှိသလို အချို့သောဆိုင်တွေက ၃ ရာခိုင်နှုန်းမှ ၁၀ ရာခိုင်နှုန်းထိ ကောက်ခံကာ ငွေသားလဲလှယ်ပေးနေပါတယ်။

ဒါ့အပြင် အွန်းလိုင်မှတဆင့် ဆက်သွယ်ကာ ငွေယူသူနဲ့ငွေပေးသူ တိုက်ရိုက်တွေ့ဆုံပြီး ရာခိုင်နှုန်းသတ်မှတ်ကာ မြန်မာကျပ်ငွေကို လဲလှယ်ပေးတဲ့ မှောင်ခိုစျေးကွက်တွေလည်း ရှိနေပါတယ်။

သတင်း – သံလွင်တိုင်းမ်